Yahi bahut hai ke

Yahi bahut hai ke dil us ko dhoond laaya hai
Kisi ke saath sahi wo nazar to aaya hai

Karon shikayatein takta rahon ke pyaar karon
Gaye bahar ki soorat wo laut aaya hai

Wo saamne tha magar ye yaqeen na aata tha
Wo aap hai ke meri Khwahishon ka saaya hai

Azab dhoop ke kaise hain baarishein kya hain
Faseel-e-jism giri jab to hosh aaya hai

Main kya karonga agar wo na mil saka 'Amjad'
Abhi abhi mere dil mein Khayaal aaya hai.....

Amjad Islam Amjad

Wo jo ham me.n tum me.n qaraar

Wo jo ham me.n tum me.n qaraar thaa tumhe.n yaad ho ke na yaad ho
Wahii yaanii vaadaa nibaah kaa tumhe.n yaad ho ke na yaad ho

Wo naye gile vo shikaayate.n vo maze maze kii hikaayate.n
Wo har ek baat pe ruuThanaa tumhe.n yaad ho ke na yaad ho

Ko_ii baat aisii agar hu_ii jo tumhaare jii ko burii lagii
To bayaa.N se pahale hii bhuulanaa tumhe.n yaad ho ke na yaad ho

Suno zikr hai ka_ii saal kaa, ko_ii vaadaa mujh se thaa aap kaa
Wo nibaahane kaa to zikr kyaa, tumhe.n yaad ho ke na yaad ho

Kabhii ham me.n tum me.n bhii chaah thii, kabhii ham se tum se bhii raah thi
Kabhii ham bhii tum bhii the aashnaa, tumhe.n yaad ho ke na yaad ho

Hue ittefaaq se gar baham, vo vafaa jataane ko dam-ba-dam
Gilaa-e-malaamat-e-arqabaa, tumhe.n yaad ho ke na yaad ho

Wo jo lutf mujh pe the beshtar, vo karam ke haath mere haath par
Mujhe sab hai.n yaad zaraa zaraa, tumhe.n yaad no ki na yaad ho

Kabhii baiThe sab hai.n jo ruu-ba-ruu to ishaarato.n hii se guftaguu
Wo bayaan shauq kaa baramalaa tumhe.n yaad ho ki na yaad ho

Wo biga.Danaa vasl kii raat kaa, vo na maananaa kisii baat kaa
Wo nahiii.n nahii.n kii har aan adaa, tumhe.n yaad ho ki na yaad ho

Jise aap ginte the aashnaa jise aap kahate the baavafaa
Mai.n vahii huu.N "Momin"-e-mubtalaa tumhe.n yaad ho ke na yaad ho

Yeh dua hai k aatish-e-ishq main

Yeh dua hai aatish-e-ishq main tu meri tarah jala karay
Na naseeb ho tujhay baithna, tery dil main derd utha karay

Tujhay meri hi si khalish rahay, tujhay meri hi tapish rahay
Jaisay tu nai mera jalaya dil, waisay tera bhi jala karay

Rahay na murad raqeeb bhi, na dikhai tujh ko khuda khushi
Na naseeb sherbet-e-wasal o sada zehr-e-gham tu piya karay

Jo kisi k dil ko dukhai ga woh zerar zaroor uthai ga
Woh saza zamanay sai pai ga, jo kisi sai mil ker dagha karay

Khair sai aain phir woh din tujhay chain na aai mujh bin
Main galay sai tujh ko na lagaon, phir tu meri minnatain kia kray

shaeri such bolti hain

Lakh Pardo Main Raho Bhed Mere Khol Deti Hain..
Shaeri Such Bolti Hain
Mainay Dekha Hain Jub Meri Zuba Dolti Hain

shaeri such bolti hain....

Tera Israr K Chahat Meri Betab Na Ho
Waqif Is Ghaum Say Mera HalqaAhbab Na Ho
Tu Mujhay Sherao Main kiun Rolti Hain

Shaeri Such Bolti Hain....

Yeh Bhi Kia Bat K Chup Chup K Tujhay Piyar Karo
Ager Koi Poch Hi Bethay To Main Inkar Karo
Jub Kisi Bat Duniya Ki Nazar Tolti Hain

Shaeri Such Bolti Hain....

Mainay Is Fikar Main Kati Kahi Ratay Kahi Din
Mere Shero Main Tera Na Aye Lekin
Jub Teri Sans Meri Sans Main Rus Gholti Hain

Shaeri Such Bolti Hain...

Manzur Nahi Thi Tumse Judai

Manzur Nahi Thi Tumse Judai Ruladiya Mujhe Dard Ke Aansuon Main
Chup Rahi Woh Masoom Si Dulhan Pyaar Bankar Chali Thi Tere Aangan

Chor Aaye Thi Sare Khushiyan Ruladiya Mujhe Dard Ke Aansuon Main
Ek Anmol Rishta Tha Tumse Bikar Diya Tumne Bewafa Iss Duniya Main

Aur Kya Mange Hum Khuda Se Dard Ke Bhwar Main Dubo Diya Tumne
Kuch Farq Nahi Hai Humhe Jab Tumne Bikar Di Meri Jeevan Ki Khushayan

Chup Rahi Woh Masoom Si Dulhan Pyaar Bankar Chali Thi Tere Aangan
Saaton Vachan Tak Saath Na Diya Ruladiya Mujhe Dard Ke Aansuon Main

Dekhar Chup Zban Na Khi Ankhon Ki Ehsas Rula diya Mujhe Drd K Ansuon Main
Manzur Nahi Thi Tumse Judai Ruladiya Mujhe Dard Ke Aansuon Main

Kuch Pal Ka Saath Tha

Kuch Pal Ka Saath Tha Humara Par Manzur Nahi Thi Tumse Judai
Joh Aankhon Main Aansu Bankar Rahe Gaye

Pyaar Main Kya Kya Kasam Khaye Humne Har Pal Roye
Padeshi Hogaye Aapno Se Manzur Nahi Thi Tumse Judai

Jalti Jeevan Ki Aag Main Humhe Suladiya..
Kuch Pal Ka Saath Tha Humara Par Manzur Nahi Thi Tumse Judai

Joh Wada Na Nibha Sake Woh Zindagi Ki Khushi Nahi
Mange The Zindagi Se Khushiyan Yeh Kuch Kum Nahi

Rote Hue Ko Manane Main Hum Peeche Nahi
Kuch Alfaaz Kehe Nahi Paye Unse Yeh Gila Hogi

Kab Se Tak Gaye Hai Ankhen

Kab Se Tak Gaye Hai Ankhen Kyun Nahi Samjta Hai Koi
Lazf Gupt Ho Gaye Hai Humari Kyun Nahi Dard samjta Hai Koi

Mere Zindagi To Ujaad Gaye Nahi Hai Mere Koi
Kuch Kahe Bhi Na Sakon Main Halat Se Bekarar Hoon Nahi Mere Koi

Raat Din Koi Hue The Aapki Chahat Main Mitta Diya Hai Duniya Meri
Iss Sawalon Ka Kaise Jawab Don Main Yeh Raasta Bichand Gaye Hai Meri

Meri Aansu Se Gum Dikhe Diye Tumhe Nahi Mere Koi
Hum Ne Aapni Duniya Tumare Hawale Kardi

Aapne Humhe Aapni Zindagi Se Door Kardi
Jao Dekhi Aapki Mohabatt Bhara Dil

Jao Dekhi Hai Aapki Mehfill Nahi Hai Mere Koi
Diwani Thi Main Joh Aapki Duniya Main Chiraag Jalaya Karte The

Aaj Meri Duniya Main Chiraag Jalakar Chale Gaye
Dukhi Hoon Main Aaj Nahi Hai Mere Koi

Tumhari ankhei'n kehti hai'n

Tumhari ankhei'n kehti hai'n hisaar-e-zaat se niklo
Tamanna meri bann jao shab-e-berbaad se niklo

Kinara tham lo dil ka bhula do her gila shikwa
Kabhi sachi hansi hans do'purani yaad se niklo

Khayal-e-yaar acha hai mager jis ne wafa na ki
Palat ker phir sada na do, dar-e-feryad se niklo

Nahi koi mohabbat bhi,hijar rutt bhi, raqabat bhi
To yeh dharka sa kiya kahiye, wehem ki ghat se niklo

Sukhan war hum se kehta hai saja lo ankh mein kuch khwab
Dharakna dil ko sikhla do, amawas raat se niklo

Nahi tum ko gawara ab hamara qurb to keh do
Hamare karb ki choro, tum is gardaab se niklo

Sar-e-maqtal jo jate ho, na ho dermandgi kuch bhi
Zamana deikh thamm jaye kuch is andaaz se niklo

Meri Ankhon Ke Samandar

Meri ankhon ke samandar mein jalan kaisi hai...
Aaj phir dil ko tarapne ki lagan kaisi hai...

Ab kisi chhat pe charagon ki qatarein bhi nahin...
Ab tere shehar ki galiyon mein ghutan kaisi hai...

Baraf ke roop mein dhal jayeinge saare rishtey...
Mujh se poochho muhabbat ki agan kaisi hai...

Mein tere wisal ki khuwahish ko na marne doonga...
Mausam-e-hijar ke lehje mein thakan kaisi hai...

Regzaron mein jo banti rahi kaanton ki rida...
Us ki majboor si aankhon mein kiran kaisi hai...

Mujhe Masoom si Pagal Larki Pay Taras ata hai
Usey dekho to muhabbat mein magan kaisi hai...

Dukhi Hoon Main Aaj

Dukhi Hoon Main Aaj Nahi Hai Mere Koi
Kaisay Wo Lout Aaye K Fursat usay Nahin

Lagta Hay Aa Chuki Hay Kami Uski Chaah Main
Kaafi Dino Say Mujhsay Shikayat Usay nahin

Dil Ki Zameen uski Banjar Hay Isi Leay
Jazbon Ki Barishon Ki aadat Jo Usay Nahin

har Cheez Ikhtiyaar Main Rakhta Hay Wo Magar
Dil Say Rihaai Panay Pay Qudrat Usay Nahin

Kehne ko woh pehli chahat thi

Kehne ko woh pehli chahat thi
Woh jis mein junoon tha, shiddat thi

pPkeeza thi, anmol thi woh
Khwabon ke jahan ki ulfat thi

Mehboob ko bhi malum na tha
Aisi khamosh mohabbat thi

Khamosh rahi bekaar hui
Na jeet hui na haar hui

Phir waqt ne apni chaal chali
Woh furqat se do-chaar hui

Kaisi khamosh mohabbat thi
Gulzaar se phir woh khaar hui

Furqat se junoon mein aag lagi
Is dilke sukoon meom aag lagi

Ashqon ki ladi aankhon se bandhi
Is jism ke khoon mein aag lagi

Phir waqt ne apni chaal chali
Dil se woh khumaar-e-preet gaya

Honthon se wafa ka geet gaya
Kehne ko woh pehli chahat thi

Uska bhi zamana beet gaya
Hijraan ki shabon se lad lad kar

Dil haar gaya, gam jeet gaya …..

Ik tere na hone se

Ik tere na hone se kuch badal nahin jata
Phoolon ki khushboo salamat hoti hai

Parindey b chehekte rehte hen
Badal b barastey rehte hen

Per ek tere naa hone se koi ha jo
Hansna bhool jata hai

Jeena bhool jata hai
Ik tere na hone se

Tanhayoon main beth kar

Tanhayoon main beth kar hasratain sumar karta hun.
Jab say gaya hai woh shaks wehsatain sumar karta hun.

Kitnay hi piyaroon k naam aye zeh_no_dil main.
Jab kabhi apnoon ki adawatain sumar karta hun.

Kahan asar rhay gaya jo woh chor kar chala gaya.
Usay roknay ki apni minnatain sumar karta hun.

Jub say ameeray sahar nay sakhawat ka irada kai.
Jo pori ho sakain aesi hajatain sumar karta hun.

Waiz nay jab say mujh ko jannat ka hosla diya.
Mujh par roz guzartin qayamatain sumar karta hun.

Ghamay dunya say ghabra kar kabhi khuab main ja kar.
Jo kabhi muyasar thin woh fursatain sumar karta hun.

Woh roz naye dhang say karta tha izharay wafa.
Roz banti bigarti mohabatain sumar karta hun.

Mai aaina hoo'n wo

Mai aaina hoo'n wo mera khayal rakhti hai
Mai tut ta hoo'n to chunn kar sambhal rakhti hai

Har aik shai ka wo hall bhi nikaal rakhti hai
Zaheen hai mujhey hairat mai daal rakhti hai

Mai jab bhi tarq e taalluq ki baat karta hoo'n
Wo rokti hai mujhey, kal pe taal rakhti hai

Wo mere dard ko chunti hai apne pouro'n se
Wo merey wastey khud ko nidhal rakhti hai

Wo dubney nahi deti hai dukh k darya mai
Merey wujud ki na'o utchal rakhti hai

Dua'ain uski balao'n ko rok leti hain
Wo merey char soo aisa hisaar rakhti hai

Ik aisi dhunn k nahee maine fir kabhi bhi suni
Wo munfarid sa hasee'n mai kamal rakhti hai

Usey nidamatain meri kaha'n gawara hai'n
Wo merey wastey aasa'n sawal rakhti hai

Mujh ko baatein kab aati hain

Mujh ko baatein kab aati hain
Main to bus khamosh sa sha'ir

Ulfat chahat k rangon se
Dil ki khali tasveero mein

Koi Mohabbat likh deta hoon
Or kabhi deewar se lagkar

Koi Mohabbat ro deta hoon
Or kabhi aankho aankho mein

Saari baatein keh deta hoon
Main to ik khamosh sa sha'ir

Mujhko baatein kab aati hain
Mujh ko baatein gar aati to

Tum kya mujh ko chhor k jati
Mere sapne torr k jaati

Kya meri aankho mein dukh k
Itne aansoo de sakti thi

Mera kul sarmaya tha jo
Kya mujhse woh le sakti thi

Mujh ko baatein gar aati to
Main bhi tumse woh sab kehta

Jo tum sunne ki khwahish mein
Saare raste bhool gayi ho


Main thehra khamosh sa sha'ir
Mujh ko baatein gar aati to

Tum bhi mere khwab sajaati
Yoon na tanha chhor k jaati

Kaash! Mujhe bhi baatein aati ....!!!

Aansoo May Na Dhoondna Humey

Aansoo May Na Dhoondna Humey,
Dil May Hum Bas Jaayenge,
Tamanna Ho Agar Milne Ki,
To Band Aankhon May Nazar Aayenge.
Lamha Lamha Waqt Guzer Jaayenga,
Chund Lamhoo May Daaman Choot Jaayega,
Aaj Waqt Hai Do Baatein Kar Lo Humse,
Kal Kya Pata Kon Apke Zindagi May Aa Jayega.
Paas Aakar Sabhi Door Chale Jaate Hai,
Hum Akele The Akele Hi Reh Jaate Hai,
Dil Ka Dard Kisse Dikhaaye,
Marham Lagane Wale Hi Zakhm De Jaate Hai,
Waqt To Humey Bhula Chuka Hai,
Muqaddar Bhi Na Bhula De,
Dosti Dil Se hum Isiliye Nahin Karte,
Kyunke Darte Hai,Koi Phir Se Na Rula De,
Zindagi May Hamesha Naye Log Milenge,
Kahin Ziyada To Kahin Kam Milenge,
Aitbaar Zara Soch Kar Karna,
Mumkin Nahi Har Jagah Tumhe Hum Milenge.
Khushbo Ki Tarah Aapke Paas Bikhar Jayenge,
Sukon Ban kar Dil Me Utar Jayenge,
Mehsoos Karne Ki Koshish To Kijiye,
Door Hote Hoye Bhi Pass Nazer Aayenge

Jab Din Guzar Rehay Thay

Jab Din Guzar Rahey They ,
Hum Tum Se Keh Rahey They,
Mushkil Hai ab Bichharna,
Aur Door Tum se Rehna,
Tum Sun ke Hans Pari Thein,
Aur Hum Se Ye kaha Tha ,
Hum Tum ko Bhool Jaen,
Tum ko Na Yaad Aaein ,
Sun ker Tumhari Baten ,
Hum Chup Se Ho Gaye They,
Phir Tum Bichhar Gaye They,
Tum Se Bichhar ke Hum Bhi,
Her Lamha Gin Rahey They,
Mausam Badal Rahey They,
Aur Hum ke Jal Rahey They,
Her Sans Thi ke sakat ,
Khushbu Bhi Aur Hi Thi,
Barish ka Pehla Katra ,
Jab Bhi Gira Zameen Per,
Hum ko Lag Raha Tha,
Jungal Pighal Raha Tha,
Phir Hum Behal Gaye They,
Aur Ho Gaye They Aadi,
Dunya Ki Mehfilon Ke ,
Ab Phir Se Mil Gaye Ho ,
Aur Hum Se Keh Rahey Ho ,
MUSHKIL HAI AB BICHARNA,
AB DOOR TUM SE REHNA

January Lot Ayi Hai

January Lot Ayi Hai

Wohi galeeyan wahi kochay wahi sardi ka mosam hai
Isi andaz say apna nazamay zeesat berham hai

Yah husnay itfaq aisa hai kay nikhri chandni bhi hai
Wahi her simat wayrani udasi tishngi si hai

Wahi hai beehar sochoon ki wahi tanhaeyan phir say
Musafar ajnabi or dashat ki pinhaeyan phir say

Mujhay sab yadd hai kuch saal pehlay ka yah qisa hai
Wahi lamha to weranay ka ik abad hisa hai

Meerri ankhoon main wo ik lamha mojod ab bhi hai
Woh zinda raat meray sath lakhoon bar jagi hai

Kisi nay raat ki tanhai main sargooshiyan ki thi
Kisi ki naram guftari nay DIL ko loriyan di thi

Kisi nay mrei tanhai ka sara karb banta tha
Kisi nay raat ki cunri main roshan chand tanka tha

Chamktay jugnoon ka sail ik baksha tha raatoon ko
Darakta sa naya unwan diya tha meray khaboon ko

Meray sheroon main wo ilham ki sorat main utra tha
Mazi ban kay jo lafzoon main pehli baar darka tha

Wo jis kay honay say zindgi nagma sarayi hai
Usay kehna kah behgi january phir loot ayi hai

Waqt Nahee

Har khushi Hai Logon Ke Daman Mein,
Par Ek Hansi Ke Liye Waqt Nahi.
Din Raat Daudti Duniya Mein,
Zindagi Ke Liye Hi Waqt Nahi.


Maa Ki Loree Ka Ehsaas To Hai,
Par Maa Ko Maa Kehne Ka Waqt Nahi.
Saare Rishton Ko To Hum Maar Chuke,
Ab Unhe Dafnane Ka Bhi Waqt Nahi.


Saare Naam Mobile Mein Hain,
Par Dosti Ke Lye Waqt Nahi.
Gairon Ki Kya Baat Karen,
Jab Apno Ke Liye Hi Waqt Nahi.


Aankhon Me Hai Neend Badee,
Par Sone Ka Waqt Nahi.
Dil Hai Ghamon Se Bhara Hua,
Par Rone Ka Bhi Waqt Nahi.


Paison ki Daud Me Aise Daude,
Ki Thakne ka Bhi Waqt Nahi.
Paraye Ehsason Ki Kya Kadr Karein,
Jab Apane Sapno Ke Liye Hi Waqt Nahi.


Tu Hi Bata E Zindagi,
Iss Zindagi Ka Kya Hoga,
Ki Har Pal Marne Walon Ko,
Jeene Ke Liye Bhi Waqt Nahi.......

Guftagoo Na Ki

Woh Chahta Tha Phir Bhi Koi Guftago Na Ki
Main Nay Bhi Poochnay Ki Justajoo Na Ki

Tasveer Teri Dekh Kar Ankheein Chaalkh Parein
Hum Nay Teri Ibadaat Kabhi Bay-Wuzu Na Ki

Baithay Rahay Chup Chap Hum Pardah Nasheen K Paas
Musa Ki Tarahan Dekhnay Ki Arzoo Na Ki

Woh Hay Nasha-e-Ishq Ki Lazat Say Bay Khabar
Jis Nay Ye Zindagi Kabhi Nazar-e-Sobo Na Ki

Karta Raha Biyaan Woh Gheroon Kay Samanay
Us Nay Kabhi Shekayat Merey Roo-ba-Roo Na Ki

Kyun Dil Mein Chupaey Rakhay Hain Hum Nay Raaz-e-Ishq
Ahel-e-Janoon Ki Baat Kabhi Koo-ba-Koo Na Ki

Dosti Kya Hay ?

Dosti kia hay?
Kia khabar tum ko dosti kia hai
Ye roshni bhi hai andhera bhi hai
Khwahishon say bhara jazeera bhi hai
Bohat anmol ik heera bhi hai
Dosti ik haseen khwab bhi hai
Pass say dekho tou sarab bhi hai
Dukh milnay pe ye azab bhi hai
Aur ye piyar ka jawaz bhi hai
Dosti yoon tou maya jaal bhi hai
Ik haqeeqat bhi hai khayal bhi hai
Kabhi furqat kabhi vissal bhi hai
Kabhi zameen kabhi falak bhi hai
Dosti jhoot bhi hai such bhi hai
Dil main reh jaiay tou kassuk bhi hai
Kabhi ye haar kabhi jeet bhi hai
Dosti saaz bhi sangeet bhi hai
Sheir bhi nazam bhi geet bhi hai
Wafa kia hai wafa bhi dosti hai
Dil say nikli dua bhi dosti hai
Bus itna samajh lay tu ZABI
Piyar ki inteha bhi dosti hai

Meri Aankhon k

Meri ankhon ke samandar mein jalan kaisi hai
Aaj phir dil ko tarapne ki lagan kaisi hai

Bb kisi chhat pe charagon ki qatarein bhi nahin
Ab tere shehar ki galiyon mein ghutan kaisi hai

Baraf ke roop mein dhal jayeinge saare rishtey
Mujh se poochho muhabbat ki agan kaisi hai

Mein tere wisal ki khuwahish ko na marne doonga
Mausam-e-hijar ke lehje mein thakan kaisi hai

Regzaron mein jo banti rahi kaanton ki rida
Us ki majboor si aankhon mein kiran kaisi hai

Mujhe Masoom si Pagal Larki Pay Taras ata hai
Usey dekho to muhabbat mein magan kaisi hai

Wo Samnay Aaey

Wo samne aye to nazron ko jhukaa loon gaa
Dekhoon gaa nahi phir bhi tasweer bana loon gaa

Aana ho to aa jao ruswayee nahi ho gee
Dekhe ga nahi koi palkon main chupa loon gaa

Jo ham per guzarni hai ik bar guzar jaye
Her gham ki tarha tujh ko seene se laga loon gaa

Weeran agar dil ho ankhon main andhera ho
Yaadon ke diye apni palkon main saja loon gaa

Manzoor agar ho gee ruswayee teree mujh ko
Main beth ke sahil se toofaan utha loon gaa

Naraaz agar wo hain mere nasheman se,
Main apnay nasheman ke tinkon ko hata loon gaa

Kyon mujh se khafa ho ker wo door gaye
Baanhon main wo aa jayain main un ko mana loon gaa......

Rahe Wafa Main

Raah-e-Wafa main har su kaantay,Dhoop Ziyada sayye Kam,
Magar is raah per chalnay walay khush hi rehay,Pachtaye kam,


Umar guloon ki 2 din jis main yeh bhi Qayyamat beet gai,
K dast-e-Hawas nay nochay ziyada,Shaakhon per murjhaey kam,


Aah! yeh zaalim talkh haqeeqat,Jitnay bhi safeenay gharq hoay,
Aksar apni hi moaj main doobay , Toufaan say takraaye kam,


Dheemi dheemi chaal say hum ko yeh Rahguzar tai kerni hai,
Naaz tha jin ko apni taiz ravi per , Manzil tak woh aye kam,


Mujh say shikayat Duniya bhar ko,Shiddat-e-gham main ronay ki,
Mujh ko is ka roona kay aank main ansoo aye kam,


Ishq addab ka naam hai kaifi,Yeh bhi addab main shaamil hai,
Jis ki muhabbat dil main bassi ho us ki gali main jaye kam,

Rahe Wafa

Raah-e-Wafa main har su kaantay,Dhoop Ziyada sayye Kam,
Magar is raah per chalnay walay khush hi rehay,Pachtaye kam,

Umar guloon ki 2 din jis main yeh bhi Qayyamat beet gai,
K dast-e-Hawas nay nochay ziyada,Shaakhon per murjhaey kam,

Aah! yeh zaalim talkh haqeeqat,Jitnay bhi safeenay gharq hoay,
Aksar apni hi moaj main doobay , Toufaan say takraaye kam,

Dheemi dheemi chaal say hum ko yeh Rahguzar tai kerni hai,
Naaz tha jin ko apni taiz ravi per , Manzil tak woh aye kam,

Mujh say shikayat Duniya bhar ko,Shiddat-e-gham main ronay ki,
mujh ko is ka roona kay aank main ansoo aye kam,

Ishq addab ka naam hai kaifi,Yeh bhi addab main shaamil hai,
Jis ki muhabbat dil main bassi ho us ki gali main jaye kam,

Kya Din Thay

Kya Din Thay Suhaney
Jab Thay Humare Zamaney
Zara Si Baat Pe Hansi
Jo Chalti Hi Chali Jati Thi
Ab Kahan Dhoondein Woh Pal Beet Gaye Jo Pal
Waqai Yadein Reh Jati Hain
Jo Jab Yaad Aati Hain
Pehley Hansati Phir Rulati Hain
Kaisey Bhoolein Unka Saath
Jo Thay Humare Hum Jamaat
Waqai Duniya Ka Ye Khail Hai
Jis Ko Milna Hai
Uska Bichharna Zaroor !

Wo Ajnabi Se Chehray

Woh ajnabi ajnabi se chehray,woh khawab khaimay rawan dawan se,
Basay hoay hain abhi nazar mein,sabhi manazir dhuwan dhuwan se,

Yeh aks-e-dagh-e-shikast-e-paymaan,wo rung-e-zakhm-e-khulos-e-yaraan,
Main ghumgusaaroon mein sochta hoon,keh baat chheroon kahan kahan se,

Ye sungraizay adawtoon ke,woh aabgenay sakhawtoon ke...!!,
Dil-e-musafir qubool kar le, mila hai jo kuch jahan jahan se,

Bichharrnay walay bichherr chala tha to nisbtain bhi ganwa ke jata,
Teray liey shehr bhar se ab bhi main zakhm khaaon zubaan zubaan se,

Meri mohabbat ke wehmoon se paray tha tera wujood warna..!!,
Jahan jahan tera aks thera, main ho ke aya wahan wahan se,

Tu humsafar hai na humnafas hai,kisay khabar hai keh tu kidhar hai,
Main dastkain de ke pooch baitha makeen makeen se makan makan se,

Abhi mohabbat ka ism-e-aazam laboon pe rehnay de jan-e-MOHSIN,
Abhi hai chahat nai nai si, abhi hain jazbay jawan jawan se,

Chup Rehtay

Chup rehtey tu dum ghut'ta aur dard siwa hota,
Kuch munh sey nikal jata tu koi khafa hota,

Ye soch k hum phir bhi bethey rahey mehfil main,
Hum uth k chaley aatey tu aur bura hota,

Tarkash main jo baaqi hay wo teer bhi kyu rakha,
Jo kuch bhi irada tha, pora tu kya hota,

Hum dill main jaga detey, seene sey laga letey,
Jo teer tumhara tha, wo kaise khata hota,

Tum hum pe jafa karte, hum tum ko dua detey,
Be-los mohabbat ka kuch huq tu ata hota,

Apas ki shikr-runji ka ghairoo.n sey kya rishta,
Shikwa tumhain karna tha, tu hum sey kya hota,

Wo jab bhi zara rotha, chup bethey rahey hum bhi,
Ik baar mana letey, tu roz khafa hota,

Iqbaal sey kal tum nay jis lehjey main baatain keen,
Wo uth k chala jata mehfil sey, tu kya hota,

Mujhse Mat Pooch

Mujse mat pooch ki kyun aankh jhuka li maine,
Teri tasveer thi jo tujhse chupa li maine,

Jis pe likha tha ki tu mere muqaddar mein nahi,
Apne maathe ki woh lakkeer mita li meine,

Har janm sabko yahaan sachha pyaar kahaan milta hai,
Teri chaahat mein to umr bita li meine,

Mujhko jaane kahaan ehsaas mere le jaayein,
Waqt ke haathon se ek nazm utha li meine,

Ghere rehti hai mujhe ek anokhi khushbu,
Teri yaadon se har ek saans saja li meine,

Jiske sheron ko woh sunke bahut roye the,
Bas wohi ek ghazal sabse chupa li meine .....

Labon Pe Harf ....

Labon pey harf na koi sawal rkhta tha
Kabi mein zabt mein itna kamal rkhta tha

Khabr kahan thi mujhe wo bhol jaye ga
Ik ik cheez jo meri sanbhal rakhta tha

Bichrty waqt bazahir to kuch na bola
Magr nigah mein so so sawal rkhta tha

Tum aye ho to sadayen suni yahan warna
Dil-shakusta badan ko nidhal rkhta tha

Wo muskara kr barhi dher chup rha
Hansi ki oat mein jaisy malal rkhta tha

Suna hai diya log usy boht sitaty hein
Jis shukhs ka kabi koi khiyal rkhta tha

Aik Baat Kahoon

Aik baat kahoon Agar suntey ho ?

Tum Mujh ko achey lagtey ho

Kuch chanchal se , kuch chup chup se

kuch pagal pagal lagtey ho

hain chahney waaley aur buhut

par tum mein hai aik baat buhut.............

Tum apney apney lagtey ho

Aik baat kahoon Agar suntey ho ?

Tum Mujh ko achey lagtey ho

Yeh baat baat pe kho jaana

kuch kehtey kehtey ruk jaana

yeh kiss uljhan mein rehtey ho....?

Kiya baat hai hum se keh daalo

Aik baat kahoon Agar suntey ho ?

Tum Mujh ko achey lagtey ho

Muhabbat Zaat Hoti Hay

Mohabat zaat hoti hai

Mohabat zaat ki takmeel hoti hai

Koi jungal main tehray kisi basti main buss jaye

Mohabat sath hoti hai

Mohabat khusboon ki lay

Mohabat mosmoon ki dhun

Mohabat absaroon k nikhrtay panioon ka man

Mohabat jungloon main raqas kerti morni ka tan

Mohabat barf perti serdeoon main dhoop banti hai

Mohabat chilchalataygaram sehraoon main thundi chaoon ki maand

Mohabat ajnbi dunya main apnay gaoon ki maand

Mohabat DIL

Mohabat JAAN

Mohabat MOORTI hai

Aur kabhi jo dil kay mandar main kahian per toot jaye to

Mohabat kanch ki guryia

Fizaoon main kisi kay hath say ger choot jaye to

Mohabat aabla hai kerb ka

Aur phoot jaye to

Mohabat roog hoti hai

Mohabat soog hoti hai

Mohabat sham hoti hai

Mohabat raat hoti hai

Mohabat jihlmilati ankh main bersaat hoti hai

Mohabat neend ki rut main kahboon kay rastoon per sulagtay jaan ko aye

Rut jagoon ki ghatt hoti hai

Mohabat JEET hoti hai

Mohabat MAAT hoti hai

Mohabat zaat hoti hai

Hamesha Dair Kar Daita Hn Main

Hamesha deir Kar daita hoon main

Hamesha deir kar daita hoon mein

Hur kaam karney mein

Zaroori baat kehni ho

Koi wada nibhana ho

Usay wapis bulana ho

Hamesha deir kar daita hoon mein

Madad karni ho us ki,

Yaar ki dharas bandhana ho

Boohat dareena rastoon per

Kisi sai milna jana ho

Hamesha deir kar daita hoon mein

Badaltay mosamoom ki sair mein

Dil ko lagana ho

Kisi ko yaad rakhna ho,

Kisi ko bhool jana ho

Hamesha deir kar daita hoon mein

Kisi ko muat sai pehlay

Kisi gham sai bachana ho

Haqeeqat aur thi kuch

Us ko ja kay batana ho
Hamesha deir kar daita hoon mein

Usay Apnay ......

Usay apnay farda ki fikar thi...
Wo jo mera waqfay haal tha...

Wo jo oss ki subho urooj thi...
Wo mera waqat zawal tha...

Mera darad kaisay wo janta...
Meri bat kaisay wo manta...

Wo to khud fana kay safar main tha...
Usy rokna bhi mahaal tha...

Wo jo oss kay samnay aa gaya...
Wahi rosni main naha gaya...

Ajab oski heebtay husan thi...
Ajab oska rang jamal tha...

Damay wapsi osy kiya hova...
Na wo rosni na wo tazgi...

Wo sitara kaisay bikhar gaya...
Wo to apni misal app tha...

Wo mujh say lipat ker roo diya...
Aur faqat wo itna keh saka...

Jisay janta tha wo zindgi...
Wo faqat wahmoon goman tha...

Wo mila to sadeoon kay badd bhi...
Meray lab pay koi gila na tha...

Usy meri chup nay rola diya...
Jisay goftgo main kamal tha...

Bhanwar Ki Gode Main...

Bhanwar ki godd main jaisay kinara sath rahta hai...
Khuch aisay hi tumhara or humara sath rahta ha...

Mohabat ho k nafrat ho osi say maswara ho ga...
Meri her kafiat main istkhra sath rahta ha...

Safar main ain mumkin hai main khud ko choor doon lakin...
Duaaian karnay waloon ka sahara sath rahta ha...

Meray mola nay mujhko chahtoon ki saltnat day di...
Magar pahli mohbat ka khasara sath rahta ha...

Agar Sayed meray lab pay mohbat hi mohbat hai...
To phir kis kay liyay nafrat ka dhara sath rahta ha...

Farz Karo....

Farz karo hum ahalay wafa hoon...
Farz karo dewanay hoon...

Farz karo yah dono batain...
Jothi hoon afsanay hoon...

Farz karo yah sab batain ...
Khud say jor sonai hoo...

Farz karo kay orr hoon itni...
Adhi hum nay chuphi hoon ...

Farz karo yah nain tuhmaray ...
Such much kay may khanay hoon...

Farz karo thumain khush karnay kay...
Dhonday hum nay bhanay hoon...

Farz karo yah joog hai jo ...
Hum nay dohnag rachaya ho...

Farz karo bus yahi haqeqat ...
Baqi sab kuch maya ho...

Aaj Udas Hoon To.....

Aaj udhas hoon to zamana mujhey phochne aya ...
Magar Jis pe tha sadiyon ka bharam woh nahi aya...

Woh to ek khuwaab tha toot gaya bikhar gaya hai...
Ajj udhas lamhon main phir kyon mujhe woh yaad aya...

Zindagi ki musafit ke woh chand din jo guzar chuke hain...
Na hi un pe urooj aya,our na hi un pe zawaal aya...

Bhool na chahta hoon har lamha,har waqt jo guzar gaya hai...
Jitna bhi roka woh waqt utna mere sath chala aya...

Guzra hua kal na tha mera,na hai mera our na ho ga kabhi...
Yeh mein janta hoon magar phir bhi na dil ko karaar aya...

Woh wade teray woh kasmein woh sab yaad hain mujhe...
Magar phir bhi kabhi tum ko mera dil na bhula paya...

Aana paye the tum to khudaar tha main bhi...
Yeh rishta hi humare dermiyan na raas aya...

Us ki muskurahat tere liye ek fareb thi Z@B!...
Tu tha nadan,dil tera usse na samajh paya...

Jis kisi ko bhi chaho woh bewafa ho jaata hai

Jis kisi ko bhi chaho woh bewafa ho jaata hai
Sar agar jhukao to sanam khuda ho jaata hai


Jab talak kaam aate raho, humsafar kehlaate raho
Kaam nikal jaane par humsafar, koi doosra ho jaata hai


Ghum nahi tha humko kabhi zamaane ki ruswaaion ka
Takleef hoti hai jab koi apna khafa ho jaata hai


Dil ki khalish aksar jaan leva ho jati hai lekin
Dar-e-dil ek had ke baad dard-e-dawa ho jaata hai


Hara-bhara hai gulshan-e-yaar, yeh bahar ke din hai
Khizan aane par dekho ek ek patta, kaise juda ho jaata hai


Yahi sachchai hai, haqeeqat hai, yahi dastoor-e-zindagi hai
Kuch der milte hain humraahi,phir har koi tanha ho jaata hai...!!!